Shabar (Sabar) - Pitulung Allah Ayana Dina Shabar Tingkatkeun Kaimanan Jeung Kataqwaan

Idztastagiitsuuna rabbakum fastajaaba lakum annii mumiddukum bi alfimminalmalaaaikati murdafiin.

Inti ayat nu dibaca ngajelaskeun, yen saenya-enyana sadaya pitulung Allah ayana dina shabar, pitulung Allah sadayana oge ayana dina shabar.

Kapungkur, dina waktos perang badar, Nabi Muhammad saw jeung pasukanana anu ngan 313 jumlahna, nyanghareupan kaum musyrikin anu jumlahna 1000 bari lengkap senjatana, tetep kamenangan aya di pihak kaum muslimin, sok sanajan ceuk akal mah piraku....

eta teh kusabab kaum muslimin tetep shabar jeung teu weuleh ngadu'a ka Allah Swt, nu akhirna Allah Swt nurunkeun pitulung ku ngutus 5000 malaikat dibawah pimpinan malaikat Jibril pikeun ngamusnahkeun pasukan kaum musyrikin

umat Islam ayeuna teh keur dicoba, kade, rupa-rupa cobaan anu tumiba ka urang bisa ngalumpuhkeun kana kaimanan urang. kusabab kitu, hayu urang tingkatkeun kaimanan jeung kataqwaan ka Allah Swt ku jalan shabar dina ngalaksanakeun ibadah, shabar dina narima musibah jeung shabar dina ngajauhan maksiat. sabab, pitulung Allah ayana dina shabar.

Artikel Terkait :

0 Respon Pada "Shabar (Sabar) - Pitulung Allah Ayana Dina Shabar Tingkatkeun Kaimanan Jeung Kataqwaan"

Posting Komentar